Reiðnámskeið | Sumar 2026
Reiðnámskeið sumarsins hefjast 15. júní og eru ætluð börnum og unglingum á aldrinum 6 – 15 ára.
Við leggjum mikla áherslu á að byggja upp traust og gott samband við hestinn og því er barnið með sama hestinn út allt námskeiðið. Það hefur reynst afar vinsælt fyrirkomulag og eru nemendur okkar alsælir með að mynda tengsl við "sinn hest".
Það ættu allir krakkar að finna reiðnámskeið við hæfi. Fjögur mismunandi námskeið eru í boði :
🐴Byrjendanámskeið
🐴Framhald 1
🐴Framhald 2
🐴Ævintýranámskeið
Lýsing á námskeiðunum:
Byrjendanámskeið er fyrir þau börn sem eru að stíga sín fyrstu skref í hestamennskunni. Við förum rólega af stað og æfum jafnvægi, ásetu og förum stutta reiðtúra. Lögð er áhersla á að byggja upp traust við hestinn.
Framhaldsnámskeið 1 er fyrir þau börn sem hafa sótt tveggja vikna námskeið áður eða hafa reynslu af hestamennsku.
Í þessum hópi þurfa nemendur að kunna undirstöðuatriðin í reiðmennsku. Lögð er áhersla á jafnvægi og að nemandi nái góðu og traustu sambandi við hestinn sinn.
Framhaldsnámskeið 2 eru fyrir börn sem hafa sótt tvö til þrjú námskeið áður og hafa reynslu af hestamennsku.
Á þessu námskeiði er farið í mun lengri reiðtúra en á Framhaldi 1 og meiri kröfur gerðar til ásetu, stjórnunar og jafnvægis. Farið er í skemmtilega reiðtúra í t.d. inn í Heiðmörk, niður í Elliðaárdalinn og í kringum Rauðavatn.
Ævintýranámskeið: Á ævintýranámskeiði er lögð áhersla á langa reiðtúra og hvernig ber að hirða hestinn á ferðalögum. Nesti er tekið með í reiðtúrana og við borðum saman nestið í náttúrunni. Lagt verður til sunds ef veður leyfir. Einungis vön börn geta sótt þetta námskeið.
Hlökkum til að sjá ykkur í sumar!
